JUSTIN BIEBER LEH SELENA GOMEZ TE AN IN HLAT TIAL TIAL

Fans lam ten an inkawp hi hmuh nuam ti mahse karah selna leh buaina avang te in an inkawp reng a rem lo. Hun engmaw laia an inthen hnu in chulhlui an rit dun leh a, an mahni pahnih ah chuan engmah buaina a awm lo niin a hriat. Amaherawh chu chun leh zua te an hrang si.

Justin Bieber chhungte lamin Gomez hi an chhungkaw mo atana an duha an welcome that viau laiin Gomez chhungte lam erawh chuan Bieber hi an makpa atan an duh ther tek lo niin Media te chuan chanchin an thehdarh a, heng thu vang te hian inkawp reng a, hmangaihna lipui hleuh dun mai thei an ni tawh lo nia tarlan a nih hnu reilo ah a tak ngeiin a rawn langchhuak chho zel.

Bieber leh Gomez te hi an pahniha an awmdun lai tunhnai hian hmuh an khat ta hle a, hmuh an nih chhunah an pahnih in hun an hmang dun lo ve ve a, chuta karah hmeichhe dang leh mipa dang nen hmuh an ni ve ve ta tlat.

Selena Gomez hi tunhnaia Sydney, Australia Yatcht a hun an hmanna ah mipa pakhat nen in haw lo taka an in chhaih dun lai hmuh an ni a, inpawt in an lo i kuah vel nasa. Justin Bieber pawh a bang chuang bik lo. Model pakhat Baskin Champion nen an chhuak dun lai hmuh an ni a, Craig David Concert a an pahniha an kal dun lai te chu an hmu leh. Baskin Champion hi Abby unaunu a ni a, Abby hi Bieber thianpa Patrick Schwarzenegger bialnu a ni a, an pathum Bieber, Baskin leh Abby te hi Patrick Schwarzenegger “Midnight Sun” movie premiere ah pawh an tawiawm a ni.

Heng te vang hian Bieber leh Gomez te hian inthen an tum ta ngei tih a langchiang a, thawm dim tak in,  zawi zawi a inhlata, thenna biahthu inhlan an tum tiin an tarlang.

Leave a Reply

Your email address will not be published. Required fields are marked *

four − 3 =