HMEICHHE NAUPANG KHAWNGAIHTHLAK

A hringtu a nu leh pa te rilru hrehawm tur zia hi han ngaihtuah teh. An fanu School kal chu ban hun ah a haw ve lo a, a tuka thu an hriat meuh chuan an fanu chu biak theih ni tawh lovin a lo boral hman tawh.

South Afriaca a thil thleng a ni a, Eastern Cape a Bizana School pakhata zirlai kum 5 mi Lumka Mkhethwa chu an School Toilet khur Pit Latrine ah a tlak vangin a boral a, a ruang hi a bo atanga a tukah chiah chhar a ni.

An sawidanin he hmeichhe naupang Lumka Mkhethwa hi a nu in a hmuh hnuhnu ber chu Thawhtan zinga School a kal kha a ni a, School a an zirtirtu in a hmuh hnuhnun ber chu tlailam dar1 vel kha niin an sawi. A bo tak avang hian a tirah chuan ruhbo a nih mai an ring a, mahsela an han chhui hnu chuan Pit Latrine Toilet ah chuan lo thla chu niin a ruang hi an chhar ta a ni.

An school hi Luna Primary School a ni a, Grade R zirlai boral chungchang ah hian Education Minister pawhin a nemnghet a, Angie Motshekga chuan he zirlai chunga thil thleng hi pawi a tih thu leh a chhungte chu a tawrhpui zia a sawichhuak. Hetiang deuh chiah chiah hian South Africa a School pakhat ah School naupang kum 5 mi vek Michael Komape pawh a chesual tawh. Tuna nunna chan Lumka Mkhethwa hi naupang hlim thei tak leh infiam ngaina mi tak a ni.

Leave a Reply

Your email address will not be published. Required fields are marked *

three + 11 =